Kamis, 03 November 2011
CONTOH HATA UMPASA (Sering Digunakan)
CONTOH HATA UMPASA
(Sering digunakan oleh warga Dalihan Na Tolu)
Dalam Upacara Adat Batak (Pesta Unjuk, dll), Mandok Hata sering menjadi 'momok' bagi sebagian orang, dan bahkan tidak jarang saling menghindar untuk Mandok Hata. Bahkan ada Orang Tua yang mengawinkan anak gadisnya, dalam Mandok Hata sewaktu memberi Ulos Hela menjadi bahan "Partuktuhan" dalam pengucapan kata-kata akibat jarang menggunakan Hata Umpasa. Terkadang dalam situasi yang tidak bisa dielak, seseorang telah menghafalnya, tetapi akibat kurang siap di hadapan banyak orang (demam panggung), apa yang di hafal sebelumnya menjadi hilang seketika. Satu kata kunci untuk hal tersebut adalah membiasakan Pengucapannya, kalau mendengarkannya mungkin sudah sering, apalagi kalau sering mengikuti Upacara Adat.
Untuk itu berikut beberapa contoh Umpasa yang sering digunakan di berbagai kesempatan :
Nunga jumpang tali aksa
Ihot ni ogung Oloan
Nunga sidung sude hata
Jala takkas do hamu nadua hasuhuton na
masipaolo-oloan
Bulung ni losa ma bulung
ni indot
Bulung ni motung mardua
rupa
Sude hatai ingkon ma taingot
Unang ma adong hita na lupa
...Ingot-ingot... 3X
OLOP-OLOP
Balintang ma pagabe
Tumundalhon sitadoan
Arimu nadua hasuhuton ma gabe
Ala takkas do hamu na masipaolo-oloan
Asa binanga ni Sihombing ma binongkak ni Tarabunga
Tu sanggar ma apporik tu lubang ma satua
Sinur ma na pinahan gabe ma na niula
Simbur magodang ma akka dakdanak songonulluson
pora-pora
Hipas ma akka na magodang tu pempeng na laho matua
Horas ma pardalan-dalan mangomo partiga-tiga
Manumpak ma Tuhanta Debata dihorasi ma hita
saluhutna
Aek ni Siuruk-uruk
Tu lallan aek Toba
Dakdanak dang adong na marungut-ungut
Namagodang sude marlas ni roha
... Olop-olop ... 3X
ULOS PASSAMOT
Manginsir ma si dohar
Tu uma ni Palipi
Tu deakna ma hamu marpinompar
Bagas muna sitorop pangisi
(Band.)
Nialap ma piar-piar
Sian onan ni Hutatinggi
Tu deakna ma hamu marpinompar
Bagasmuna sitorop pangisi
Andor halumpang ma
togu-togu ni lombu
Andor hatiti ma togu-togu
ni horbo
Saur matua ma hamu paihut-ihut pahompu
Sahat tu namrnini sahat tu na marnono
Tubu ma hau simartolu
Tubu di lambung ni Halas
Leleng ma hamu mangolu
Sahat gabean jal horas-horas
(Band.)
Sahat solu
Natinogu tu bonean ni
Tigaras
Leleng ma hamu mangolu
Sahat gabean jala horas-horas
(Band.)
Sahat ma par Hutajulu
Sahat marhuta di robean
ni si Ambolas
Sahat ma hamu leleng mangolu
Sahat gabean jala horas-horas
MARHUSIP
Habang ma binsusur
Habang mai martolu-tolu
Molo pinungka namartutur
Anggiat ma padenggan ngolu-ngolu
Buruk-buruk ni durung
Parasaran ni sioto
Bangkona do manungkun
Molo daong dope binoto
Jolo tiniptip sanggar
Laho baen huru-huruan
Jolo sinukkun marga
Asa binoto partuturan
TU DONGAN SAHUTA
Tinapu ma bulung rata
Bontar ma ia gotana
Sisada Sitaonon/las ni roha do namardongan sahuta
Nang pe asing-asing margana
Tinallik bulu duri
Sanjokkal mai dua jari
Raja ni dongan Sahuta do Raja Panuturi
Dohot pangajar-ajari
TU HULA-HULA
Obuk do jambulan
Nidandan bahen samara
Molo burju marhula-hula
Pitu sundut soada mara
Habang ma sibigo
Paihut-ihut bulan
Saluhut na tapangido
Sai tibu mai dipasaut Tuhan
Songgop ma siruba-ruba
Tu dakka ni Hapadan
Pasu-pasu na pinasahat muna
Sai dijangkon tondi mai nang dohot badan
Mardakka jabi-jabi
Marbulung ia s tulan
Pasu-pasu na pinasahat munai tu hami
Sai tibu mai dipasaut Tuhan
Tinapu bulung ni sabu
Bahen lompan ni pangula
Sahat ma pasu-pasu munai tu hami
Horas ma hamu horong ni hula-hula
Marhuta ma di Hutaraja
Tun Siborong-borong ma
molo maronan
Molo manuturi amanta raja
Denggan jala une ma sude akka na nihataan
TU PENGANTIN
Na peak di tonga ni onan
Badan muna naso jadi sirang
Tondi muna masigomgoman
Mangula ma pangula
Dipasae ma gadu-gadu
Burju ma hamu marhula-hula
Jala dame marhombar ni jabu
Giring-giring ma
gosta-gosta
Tu dakka ni sikkoru
Hatop ma mangiring-iring huhut mangompa-ompa
Anak nang dohot boru
Habang ma simarsimbulan
Tangki mai jala ualang
Rabion si mareme
Mangido hita tu Tuhan
Sai tubu ma di hamu anak si partahi ulubalang
Dohot boru namora jala pareme
Tubuan laklak ma tubuan
singkoru
Tubu ma sanggar di
parsopoan
Tubuan anak ma hamu tubuan boru
Jekkar-jekkar di parngoluan
Ribbur ni pakkat
Tu ribbur ni hotang
Tusi hamu mangalangka
Sai tusi ma dapotan Passamotan
Gadu-gadu ni Silindung
Tu gadu-gadu ni sipoholon
Sai tubu ma anakmuna sampulu pitu
Boru muna sampulu onom
Tubu ma hariara
Di tonga-tonga ni huta
Dakkanai pinarait-raithon
Tubu ma di hamu anak namarsahala
Dohot boru namartua
Sitongka panahit-nahiton
Dakka ni hariara
Pinarait-raithon
Tubu ma di hamu boru dohot anak
Si tokka panahit-nahiton
Tubu ma hau tambissu
Tardikkan ni hau bintatar
Sai tubu ma di hamu anak dohot boru na bisuk
Huhut jala na pistar
ULOS HELA
Bulung ni tobu ma
pangarahutna
Sai horas ma hamu jala torkis
Diramoti holong ni roha ni Tuhanta
TU SIHUTTI AMPANG
Sitorop ma dakkana
Sitorop ma rantingna
Gabe jala mamora ma hula-hulana
Songoni ma nang boruna
TU PAMORUON
Hau simarolu
Di tombak ni panamparan
Sahat ma hamu leleng mangolu
Di haliangi akka pomparan
Martahuak ma manuk
Di bungkulan ni ruma
Horas ma hula-hulana
Songoni ma nang boruna
Marmutik tabu-tabu
Mardoppakhon matani ari
Sai hot ma di hmau akka pasu-pasu
Laho marhajophon akka na sinari
Simbora ma pulguk
Pulguk di lage-lage
Mamora ma hita luhut
Sai horas ma jala gabe
Mandurung di aek
sihoru-horu
Manjala di aek
sigura-gura
Udur ma hamu leleng mangolu
Hipas matua sonang sora mahua
Dang tutu siohupi
Molo so marsuga-suga
Dang tutu boru nauli
Molo so buruju marhula-hula
Ia tambor bonana
Rugun ma ia pussuna
Ia mamora hula-hulana
Sai gabe ma nang dohot boruna
Pat ni gaja
Tu pat ni hora
Anak ni Raja
Pahompu ni namora
Durung do boru
Tomburon Hula-hula
Sipanumpahi ma nian boru
Molo adong ulaon ni hula-hula
TU NAMARDONGAN TUBU
Tuhuk ni na gelleng
Tuhuk ni na bolon
Mamboan siboanon
Dos do adat na gelleng
Songoni adat na bolon
Dang mardia imbar naikkon do Rajahononhon
Pitu lombu jonggi
Mahulang-hulanghon hotang
Raja pinaraja-raja
Matua hasuhuton do pandapotan
Titir maaranak
Titir marboru
Marpahompu sian anak
Marpahompu sian boru
Sahat tu na marnini
Sahat tu na marnono
Bulung ni tobu poso
Uram-uram ni si tuma
Gogo ma di na umposo
Ruhut-ruhut ma di namatua
Loting ni tomboman
Tabo nasiniraan
Tondinta ma masigomgoman
Sai dao ma namasisaritaan
Pege sakkarimpang
Hunik sahadang-hadangan
Manimbung rap tu toru mangangkat rap tu ginjang
Tong-tong hita satahi saoloan
Tubu ma dingin-dingin di toru ni simartolu
Horas ma tondi madingin pir tondi matogu
Debata do namangiring-iring
asa tong-tong hita leleng mangolu
Asa di hita namardongan tubu
Ampara si doli Raja ni Dongan tubu
Anak ni dainang Paraman ni namboru
Songon poda ni ompunta sijolo-jolo tubu
Mangangkat hita rap tu ginjang manimbung rap tu
topru
Hot hita tong-tong disi sada anak dohot si sada
boru
TINTIN MARANGKUP
Bulung namartampuk
Bulung ni simarlasuna
Nunga hujalo hami tintin marakkup
Dohonon ma hata pasu-pasuna
Hot pe jabui
Tong doi margulang-gulang
Boru niise pe dialap bere i
Natong do i boru ni tulang
Hot doi lubang
Nang pe dihunghupi rere
Na tongtong doi boru ni tulang
Boru niise pe dialap bere
MANGAMPU
Bulung ni taen
Tu bulung ni si tulan
Molo tarbahen
Topot hamu ma hami
sahali sabulan
Molo so tarbahen bulung
ni si tulan
Pinomat bulung ni salaon
Molo so tarbahen sahali sabulan
Pinomat sahali sataon
Nidurung ma situm
Laos dapot pora-pora
Molo mamasu-masu hula-hula
Mangido iba tu Tuhan Napogos hian iba boi do gabe
mamora
Naung sampulu dua
Jumadi sampulu tolu
Pasu-pasu naung pinasahat muna
Sai anggiat mai padenggan ngolu-ngolu
Turtu ma ia anduhur
Tio ma ia lote
Hata pasu-pasu naung pinasahatmuna
Sai unang ma mubsa sai unang mose
Naung sampulu pitu
Jumadi sampulu ualu
Hata dohot pasu-pasu naung pinasahatmu
Huampu hami martonga ni jabu
Aek marjullak-jullak,
marjullak-sjullan sian batu
Aek na i dibaen ma tu
tabu-tabu
Diboan ma tu tonga ni
jabu
Dipeakhon ma di atas ni
pinggan pasu
Akka hata nauli naung pinasahat munai nang akka
pasu-pasu
Ampu
mai di parsabuhuan nami
Tuat
mai di abara nami
Abing
mai di abingan nami
Takkas mai rajanami huampu hami martonga ni jabu
-------------------------------------- aromamis pete ------------------------jambi city---2011-----------------------
Rabu, 26 Oktober 2011
PENGANTAR RAJA PARHATA PESTA UNJUK
Untuk sekedar berbagi khususnya bagi "Parsinabul" Pemula, agar menjadi Bekal, disini dibuatkan sajian (Manise dan Mangalusi) dalam Awal Pembicaraan Adat Batak Pesta Unjuk (di Kota Jambi), yang sudah sering Penulis gunakan dalam berbagai kesempatan :
Pangalapan Hata :
Tu Dongan Tubu (Simamora Debataraja) :
Di hita namardongan tubu pinompar ni Ompunta Simamora Debataraja,
Asa tubu ma dingin-dingin di toru ni simartolu
Horas ma tondi madingin Pir tondi matogu
Debata do namangiring-iring asa tongtong hita leleng mangolu
Songon Poda ni Ompunta sijolo-jolo tubu
Mangangkat hita rap tu Ginjang manimbung rap tu toru
Tongtong hita hot di sisada anak dohot si sada boru
Asa SADA do hita Pinompar ni Ompunta Simamora Debataraja
Ala sada do Pinomparna ima Ompunta Sunggu Marpasang
Alai Tolu ma Simartolu, tongtong ma tubu ngolu-ngolu
Ai na Tolu do pinompar ni ompunta ima
Raja Babiat Naingol - Raja Sampetua - Raja Marbulang (Hasuhuton : Marbulang)
Didok Natua-tua :
Tartallik huling-huling tarida ma holi-holi
Molo Anggi Doli marulaon, haha doli ma Panamboli (Parsinabul),
Ampara sidoli Raja ni dongan Tubu
anak ni dainang Paraman ni Namboru
Antong ise ma hita nanaeng Raja Parhata ima nanaeng mangadopi Panghataion tu Hula-hulanta ....
(Masing2 Suhu/bagian -- Babiat Naingol dan Sampetua -- menyampaikan/menunjuk dan menyepakati yang akan menjadi Raja Parhata).
Tu Boru/Bere/Ibebere :
Di hamu boru nami, bere dohot ibebere,
Didok Natua-tua,
Durung do boru tomburon Hula-hula
Manumpahi ma nian Boru, molo adong ulaon ni Hula-hula
Jadi, di hamu boru, bere dohot ibebere nami asa tung tumpahi hamu hami di gogo dohot pambahenanmunai dinanaeng manghatai hami dohot Raja ni Hula-hulanta marga ...
Tu Dongan Sahuta :
Di hamu Raja ni Dongan Sahuta nami, didok Natua-tua :
Tinapu Bulung Rata bontar ma ia gotana
Sisada las ni roha / habot ni roha do namardongasahuta
Nang pe asing-asing margana
Antong Raja ni Dongan Sahuta, di las nirohanta apala di tikki on tarlumobi ma dinanaeng mangadopi panghataion dohot raja ni hula-hulanta marga ......, asa tung tutur-tuturi hamu hami, di na hurang lobi annon panghataion nami, songoni ma pangidoannami rajanami.
(dialusi dongan sahuta -- gabe ma jala horas)
Tu Horong ni Hula-hula :
Tarlumobi ma di hamu horong ni Hula0hula nami dohot Tulang nami,
Hula-hula nami marga .... (digoari)
Tulang nami marga.... (digoari)
Tulang Rorobot nami ... (digoari)
Hula-hula nama namarhahamaranggi ....(digoarai, molo tung adong)
Hula-hula anak manjae/naposo.... (digoari, molo tung adong)
Raja nami,
Ruas ni bulu duri
Sanjokkal mai dua jari
Hamu do Raja nami horong ni tulang dohot Hula-hula Raja Panuturi
dohot Pangajari di hami
Alanii di nanaeng manghatai hami dohot raja ni Hula-hula nami Marga ... (digoari) asa tung tutur-tuturi hamu hami rajanami, di nahuranglobi panghataion nami.
Dialusi horong ni Tulang dohot Hula-hula.. (dialusi Gabe ma jala Horas)
Antong d hamu Raja ni Hula-hula nami marga ... (digoari), nunga rade hami rajanami, hupasahat hami ma partikkian tu hamu.
Parhata Parboru (Marga lain) :
di hamu pamoruannami marga Simamora,
Dolok ni Sipakpahi ma Panatapan tu Pangaloan
Asa Tapukka namanghatai, pasahat hamu ma jo Pinggan Panukkunan.
Parhata Paranak (Marga Simamora) :
Mauliate ma Rajanami,
Asa binsar ma Mataniari, Poltak ma mata ni Bulan
Nunga manggora rajai nalaho mamukka makhatai, dison hupasahat hami ma Pinggan Panukkunan..
(sahalak hela ni Simamora pasahathon Pinggan Pangukkunan)
Parhata Parboru :
Mauliate ma tapasahat tu Amanta pardenggan basai ala asi ni rohaNa, boi do hita marpungu apala ditikki on,
di hamu Pamoruon nami marga Simamora,
Nunga dison nuaeng Pinggan Panukkunan, Pinggan sitio soara na hot di hundulanna,
Sai tio ma di hamu parniidaan tu joloanon, jala hot ma pasu-pasu nasian Tuhanta.
Peak di ginjangna Napuran sirata bulung, asa tung rata ma antong Passamotan dohot Parhorasan jaloon muna tujoloan on.
Dison adong Parbue Pir, ima nasian parbur siribur-ribur,
Antong Pir ma pokki bahul-bahul pansalongan
Pir ma tondimuna sai tung godang ma pangomoan
jala tung torop maribur ma antong hamu marpinompar
Alanii tung dohononnami ma,
Nialap ma Piar-piar, sian onan ni huta tinggi
Tudeakna ma hamu marpinompar, bagasmuna sitorop pangisi
Laos adong muse rupiah namarga, napinatupa/pinatomu-tomu ni pamarentanta
Sipalas roha ni situan natorop dohot amanta raja, hasoloman ni inanta soripada
Sai martamba ma antong las ni rohanta tu joloan on
Songoni muse adong Juhut namarsaudara ima Tanggo-tanggo na bolon,
Sai anggiat ma antong lam tanggo jala togu partuturonta namarhula-hula boru, gabe parhorasan tu joloan on.
Antong ia naung sagat hami marlompan natabo, bosur mangan indahan na las, sombu uas minum aek sitio-tio, Niharat Pakkal ni Tobu lam tu tonggina, nunga dipasahat hamu sipanganon natabo dohoon ma hata pasu-pasuna :
Sai Pamurnas mai tu daging, saudara mai tu bohi
Si pasindak panaili mai si paneang holi-holi.
Antong,
Bagot namarhalto ma na niagatan dung marmeang
Horas ma hami namanganhon, tu gandana Panggabean di hamu sikkat nii na mangalean.
Ia takkas ma Purba
Takkasan ma ia Angkola
Asa takkas ma namaduma
Takkasanma na mamora
Asa tung takkas hata ni sipanganon i,
Takkas na hamu amangboru marboa-boa
Parhata Paranak :
Mauliate ma disukkun-sukkun ni Raja i, hami pe tong-tong pasahaton nami hamauliateon nami tu Amanta pardenggan basai, ala ni asi ni rohaNa boi hita marpungu apala di tikki on,
Ia Sukkun-sukkun ni Raja i taringot tu Sipanganon masak, tung takkas ma tutu alusan nami,
Aek godang ma tu aek si Bundong
Ganjang mai songon Aek Situmandi
Ia godang mai raja nami gabe sibutong-butong
Otik gabe si pir ni tondi
Sai Pamurnas mai tu daging
Saudara mai tu bohi
Sipasindak Panailli mai
Si paneang Holi-holi
Tung songoni pe sipanganoni rajanami tung dohonon ma
Niharat Pakkal ni tobu lam tu tonggina
Ndada namangholit hami raja nami tung si bahenon do naso sadia
Molo tung mangholit hami, si ala ni tanging muna mai, sai lam tu ganda na ma na niholit, asa tung adong patupaon nami laho pasangaphon hamu rajanami tuakka tikki nanaeng ro.
Dohonon nami ma raja nami
Tik-tik ma Gompa
Hotang binola bahen pangarahutna
Tung songoni pe sipanganon na tupa
Manumpak ma Amanta Debata, tung godang ma Pinasuna.
Ia hata ni sipanganoni raja nami : Panggabean Parhorasan do.. Butima.
Parhata Parboru :
Mauliate ma tutu amangboru, Panggabean Parhorasan do hape hata ni sipanganoni,
Alai Amangboru, didok natua-tua
Marakkup do nauli, Mardongan do na denggan,
Asa siakkup songon na hundul, siudur songon na mardalan, di hata ni si panganon Panggabean Parhorasan i, Dia ma laklakna, dia ma Unokna
Dia ma hatana, dia ma nidokna,
Takkas ma hamu Amangboru marboa-boa..
Parhata Paranak :
Mauliate ma Rajanami,
Tung takkas ma hamu sisuan bulu jala si panjala
Si boto Uhum jala Panghataion tung Raja.
Raja nami raja ni hula-hula, didok natua-tua
Molo adong bulu godang
Denggan mai bahen hite-hite
Molo adong anak/boru magodang
Denggan mai asa tung hot ripe.
Nunga rap mangudurhon hita nangkin tu Bagas joro ni Debata, ima naung manjalo pasu-pasu parbogason Anak nami naung gabe Hela muna, Boru muna naung gabe Parumaen nami, sian Tuhanta marhite-hite naposoNa, di Bagasjoro Nai.
Alanii tung dohonon nami ma :
Tubuan laklak ma tubuan sikkoru
Tubu ma sanggar di parsopoan
Tubuan anak ma nasida tubuan boru
Jekkar-jekkar ma di Parngoluan
Jala tung apala las ma rohanami raja nami, songon ni dok ni natua-tua:
Nunga pitu lilu nami
Paualu Jugia nami
Nunga tung nauli nipi nami
Ala olo do boru muna gabe parumaen nami
Alani ima rajanami, di mangajana on naeng pashaton nami ma somba ni uhum dohot somba ni adat nami tu hamu, songon panghataionta di tikki naung salpu i (Di namarhata sinamot). Jala pangidoaan nami Raja nami asa tung pasu-pasu hami pamoruan muna, parhitean mai pasu-pasu na sian Tuhanta, tarlumobi ma tu ianakhonta, asa tung gabe rumah tangga na denggan nasida tu joloan on.
------ diteruskan dengan pasahathon Panggohi ni Sinamot, Panandaion, Tintin Marakkup, dst -------tps--
Pangalapan Hata :
Tu Dongan Tubu (Simamora Debataraja) :
Di hita namardongan tubu pinompar ni Ompunta Simamora Debataraja,
Asa tubu ma dingin-dingin di toru ni simartolu
Horas ma tondi madingin Pir tondi matogu
Debata do namangiring-iring asa tongtong hita leleng mangolu
Songon Poda ni Ompunta sijolo-jolo tubu
Mangangkat hita rap tu Ginjang manimbung rap tu toru
Tongtong hita hot di sisada anak dohot si sada boru
Asa SADA do hita Pinompar ni Ompunta Simamora Debataraja
Ala sada do Pinomparna ima Ompunta Sunggu Marpasang
Alai Tolu ma Simartolu, tongtong ma tubu ngolu-ngolu
Ai na Tolu do pinompar ni ompunta ima
Raja Babiat Naingol - Raja Sampetua - Raja Marbulang (Hasuhuton : Marbulang)
Didok Natua-tua :
Tartallik huling-huling tarida ma holi-holi
Molo Anggi Doli marulaon, haha doli ma Panamboli (Parsinabul),
Ampara sidoli Raja ni dongan Tubu
anak ni dainang Paraman ni Namboru
Antong ise ma hita nanaeng Raja Parhata ima nanaeng mangadopi Panghataion tu Hula-hulanta ....
(Masing2 Suhu/bagian -- Babiat Naingol dan Sampetua -- menyampaikan/menunjuk dan menyepakati yang akan menjadi Raja Parhata).
Tu Boru/Bere/Ibebere :
Di hamu boru nami, bere dohot ibebere,
Didok Natua-tua,
Durung do boru tomburon Hula-hula
Manumpahi ma nian Boru, molo adong ulaon ni Hula-hula
Jadi, di hamu boru, bere dohot ibebere nami asa tung tumpahi hamu hami di gogo dohot pambahenanmunai dinanaeng manghatai hami dohot Raja ni Hula-hulanta marga ...
Tu Dongan Sahuta :
Di hamu Raja ni Dongan Sahuta nami, didok Natua-tua :
Tinapu Bulung Rata bontar ma ia gotana
Sisada las ni roha / habot ni roha do namardongasahuta
Nang pe asing-asing margana
Antong Raja ni Dongan Sahuta, di las nirohanta apala di tikki on tarlumobi ma dinanaeng mangadopi panghataion dohot raja ni hula-hulanta marga ......, asa tung tutur-tuturi hamu hami, di na hurang lobi annon panghataion nami, songoni ma pangidoannami rajanami.
(dialusi dongan sahuta -- gabe ma jala horas)
Tu Horong ni Hula-hula :
Tarlumobi ma di hamu horong ni Hula0hula nami dohot Tulang nami,
Hula-hula nami marga .... (digoari)
Tulang nami marga.... (digoari)
Tulang Rorobot nami ... (digoari)
Hula-hula nama namarhahamaranggi ....(digoarai, molo tung adong)
Hula-hula anak manjae/naposo.... (digoari, molo tung adong)
Raja nami,
Ruas ni bulu duri
Sanjokkal mai dua jari
Hamu do Raja nami horong ni tulang dohot Hula-hula Raja Panuturi
dohot Pangajari di hami
Alanii di nanaeng manghatai hami dohot raja ni Hula-hula nami Marga ... (digoari) asa tung tutur-tuturi hamu hami rajanami, di nahuranglobi panghataion nami.
Dialusi horong ni Tulang dohot Hula-hula.. (dialusi Gabe ma jala Horas)
Antong d hamu Raja ni Hula-hula nami marga ... (digoari), nunga rade hami rajanami, hupasahat hami ma partikkian tu hamu.
Parhata Parboru (Marga lain) :
di hamu pamoruannami marga Simamora,
Dolok ni Sipakpahi ma Panatapan tu Pangaloan
Asa Tapukka namanghatai, pasahat hamu ma jo Pinggan Panukkunan.
Parhata Paranak (Marga Simamora) :
Mauliate ma Rajanami,
Asa binsar ma Mataniari, Poltak ma mata ni Bulan
Nunga manggora rajai nalaho mamukka makhatai, dison hupasahat hami ma Pinggan Panukkunan..
(sahalak hela ni Simamora pasahathon Pinggan Pangukkunan)
Parhata Parboru :
Mauliate ma tapasahat tu Amanta pardenggan basai ala asi ni rohaNa, boi do hita marpungu apala ditikki on,
di hamu Pamoruon nami marga Simamora,
Nunga dison nuaeng Pinggan Panukkunan, Pinggan sitio soara na hot di hundulanna,
Sai tio ma di hamu parniidaan tu joloanon, jala hot ma pasu-pasu nasian Tuhanta.
Peak di ginjangna Napuran sirata bulung, asa tung rata ma antong Passamotan dohot Parhorasan jaloon muna tujoloan on.
Dison adong Parbue Pir, ima nasian parbur siribur-ribur,
Antong Pir ma pokki bahul-bahul pansalongan
Pir ma tondimuna sai tung godang ma pangomoan
jala tung torop maribur ma antong hamu marpinompar
Alanii tung dohononnami ma,
Nialap ma Piar-piar, sian onan ni huta tinggi
Tudeakna ma hamu marpinompar, bagasmuna sitorop pangisi
Laos adong muse rupiah namarga, napinatupa/pinatomu-tomu ni pamarentanta
Sipalas roha ni situan natorop dohot amanta raja, hasoloman ni inanta soripada
Sai martamba ma antong las ni rohanta tu joloan on
Songoni muse adong Juhut namarsaudara ima Tanggo-tanggo na bolon,
Sai anggiat ma antong lam tanggo jala togu partuturonta namarhula-hula boru, gabe parhorasan tu joloan on.
Antong ia naung sagat hami marlompan natabo, bosur mangan indahan na las, sombu uas minum aek sitio-tio, Niharat Pakkal ni Tobu lam tu tonggina, nunga dipasahat hamu sipanganon natabo dohoon ma hata pasu-pasuna :
Sai Pamurnas mai tu daging, saudara mai tu bohi
Si pasindak panaili mai si paneang holi-holi.
Antong,
Bagot namarhalto ma na niagatan dung marmeang
Horas ma hami namanganhon, tu gandana Panggabean di hamu sikkat nii na mangalean.
Ia takkas ma Purba
Takkasan ma ia Angkola
Asa takkas ma namaduma
Takkasanma na mamora
Asa tung takkas hata ni sipanganon i,
Takkas na hamu amangboru marboa-boa
Parhata Paranak :
Mauliate ma disukkun-sukkun ni Raja i, hami pe tong-tong pasahaton nami hamauliateon nami tu Amanta pardenggan basai, ala ni asi ni rohaNa boi hita marpungu apala di tikki on,
Ia Sukkun-sukkun ni Raja i taringot tu Sipanganon masak, tung takkas ma tutu alusan nami,
Aek godang ma tu aek si Bundong
Ganjang mai songon Aek Situmandi
Ia godang mai raja nami gabe sibutong-butong
Otik gabe si pir ni tondi
Sai Pamurnas mai tu daging
Saudara mai tu bohi
Sipasindak Panailli mai
Si paneang Holi-holi
Tung songoni pe sipanganoni rajanami tung dohonon ma
Niharat Pakkal ni tobu lam tu tonggina
Ndada namangholit hami raja nami tung si bahenon do naso sadia
Molo tung mangholit hami, si ala ni tanging muna mai, sai lam tu ganda na ma na niholit, asa tung adong patupaon nami laho pasangaphon hamu rajanami tuakka tikki nanaeng ro.
Dohonon nami ma raja nami
Tik-tik ma Gompa
Hotang binola bahen pangarahutna
Tung songoni pe sipanganon na tupa
Manumpak ma Amanta Debata, tung godang ma Pinasuna.
Ia hata ni sipanganoni raja nami : Panggabean Parhorasan do.. Butima.
Parhata Parboru :
Mauliate ma tutu amangboru, Panggabean Parhorasan do hape hata ni sipanganoni,
Alai Amangboru, didok natua-tua
Marakkup do nauli, Mardongan do na denggan,
Asa siakkup songon na hundul, siudur songon na mardalan, di hata ni si panganon Panggabean Parhorasan i, Dia ma laklakna, dia ma Unokna
Dia ma hatana, dia ma nidokna,
Takkas ma hamu Amangboru marboa-boa..
Parhata Paranak :
Mauliate ma Rajanami,
Tung takkas ma hamu sisuan bulu jala si panjala
Si boto Uhum jala Panghataion tung Raja.
Raja nami raja ni hula-hula, didok natua-tua
Molo adong bulu godang
Denggan mai bahen hite-hite
Molo adong anak/boru magodang
Denggan mai asa tung hot ripe.
Nunga rap mangudurhon hita nangkin tu Bagas joro ni Debata, ima naung manjalo pasu-pasu parbogason Anak nami naung gabe Hela muna, Boru muna naung gabe Parumaen nami, sian Tuhanta marhite-hite naposoNa, di Bagasjoro Nai.
Alanii tung dohonon nami ma :
Tubuan laklak ma tubuan sikkoru
Tubu ma sanggar di parsopoan
Tubuan anak ma nasida tubuan boru
Jekkar-jekkar ma di Parngoluan
Jala tung apala las ma rohanami raja nami, songon ni dok ni natua-tua:
Nunga pitu lilu nami
Paualu Jugia nami
Nunga tung nauli nipi nami
Ala olo do boru muna gabe parumaen nami
Alani ima rajanami, di mangajana on naeng pashaton nami ma somba ni uhum dohot somba ni adat nami tu hamu, songon panghataionta di tikki naung salpu i (Di namarhata sinamot). Jala pangidoaan nami Raja nami asa tung pasu-pasu hami pamoruan muna, parhitean mai pasu-pasu na sian Tuhanta, tarlumobi ma tu ianakhonta, asa tung gabe rumah tangga na denggan nasida tu joloan on.
------ diteruskan dengan pasahathon Panggohi ni Sinamot, Panandaion, Tintin Marakkup, dst -------tps--
Langganan:
Postingan (Atom)